Lin ‘Ardalén’

ardalen_fidel

‘Ardalén’, páx 135/6. Cor final. Acrílico. Miguelanxo Prado

Unha marabilla. Eu prefiro recoñecelo: son un incondicional. Polo que a valoración positiva era máis que probable. Custoume un pouco entrar. As citas que preceden o texto explican un pouco demais. As primeiras páxinas, preciosas na súa luz e as súas cores, parecéronme unha gaiola pequena para un debuxo como o de Prado. Este mal intre pasou rápido. Despois gustoume moito atopar a mirada de Fidel ocupando unha viñeta enteira, entre outros planos próximos. A luz e os brillos que comento, ese trazo branco que acompaña ás enrrugas ou aos brillos da pel dos personages, case que me parece o mellor do debuxo.

“… […] mesmo creamos unha categoría específica de cousas ás que chamamos ‘recordos’, […] , e que , ben pensado, non son, a máis das veces, recordos en si mesmos, senón catalizadores, fíos dos que tirar, portas e corredores que nos conducen aos nosos auténticos recordos.” (p. 61)

Chócame un pouco o que di Valentín Vañó no xornal do sábado. Parece mostrar Ardalén como traballo definitivo. E sen ánimo de facerme o antipático, creo que fala do alcance dunha madureza que eu creo que traballos anteriores de Prado xa teñen. Xa digo: é unha opinión. Non vou dicir nada máis de Ardalén. Para min é unha lectura deliciosa que compensa unha longa espreita. Desexo sinceramente que vos guste tanto como a min, e que non sexa a derradeira cousa que tiñamos de Miguelanxo Prado.

PRADO, Miguelanxo. Ardalén. Santiago de Compostela: El Patito Editorial, 2012. 256 p.; il. col. 30×22 cm. ISBN 9788493943455.

 

Advertisements
Estas entrada foi publicada en Ardalén, Autores/as galegos/as, Prado-Miguelanxo coas etiquetas , , , , , . Ligazón permanente.

2 Responses to Lin ‘Ardalén’

  1. peke di:

    Chegoume hai dous días. Poñereime en breve con ela. Non creo que me decepcione, porque Miguelanxo Prado nunca o fai.

    Gústame

  2. Daniel di:

    Mil desculpas Peke, non vin a túa mensaxe!

    Se hai algo que si se pode dicir de Prado é que fai as cousas con moito agarimo. A ver que te parece “Ardalén”.
    🙂

    Unha aperta

    Daniel

    Gústame

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s