Un paseo por “A praia dos afogados” [3],[4] e [5]

Fotografía 3. O Kiosko das Almas Perdidas. 9 de agosto de 2010. (Foto de Daniel Gonzalez Martin) “Na outra banda da rúa, apoiados na barra do Kiosko das Almas Perdidas, mariñeiros e estibadores quentaban os estomagos e compartían confidencias antes de marchar a descansar”(p.74-75).

Que grandísimo nome para un bar! E existe, é dicir, que podemos, se queremos visitalo. É moito máis amplo do que poida parecer, e dentro podemos ver algunha imaxe en sepia, do Vigo antigo. Colgado nunha parede hai un salvavidas co nome do bar gravado… ou se cadra é un “salva-ánimas”?

Fotografía 4. Gaivotas patiamarelas na Badía de Roses (Girona). 31 de marzo de 2007. (Foto de Daniel Gonzalez Martin) “Varias gaivotas voaban sobre eles, e pola ventá aberta do inspector coábase o cheiro penetrante da marea baixa e os chirlos das aves esixindo que algunha peza fose devolta á auga” (p. 80)

A mesma especie: Gaivota patiamarela Larus michaelis que podemos ver en Barcelona. Pero a presenza desta en Vigo é máis notable, probablemente por ser numerosa e tamén máis ruidosa. Un chisco agresiva ás veces, aliméntase dos bocadillos dos bañistas máis despistados da praia de Samil.

Fotografía 5. Diante do Kiosko das Almas Perdidas. 9 de agosto de 2010. (Foto de Daniel Gonzalez Martin)

Aturuxos, pasadas e miradas ameazantes…. quen non se lembra nalgun intre ou outro de Os paxaros, de Hitchcock? Na imaxe, dúas gaivotas da devandita especie á espreita dunha inocente rapaza que non se dá de conta da súa presenza graciñas ao camuflaxe destes animais entre o mobiliario urbano.

P.D: Se o consigo, este paseo por “A praia dos afogados” vai aparecer cada venres. Non podo prometer ren, mais si pedirlle desculpas a aqueles que o pasado martes visitaron este blog buscando máis. Saúdos e boa fin de semana lector@s.

Villar, Domingo. A praia dos afogados. Vigo: Galaxia, 2009. 504 p. 21 cm. (Literaria/ Galaxia: 273) ISBN 978-84-9865-180-5.

Advertisements
Estas entrada foi publicada en A praia dos afogados, Villar-Domingo coas etiquetas , . Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s